ШЖҚ РМК «ҚР ПІБ МОА» базасында «Денсаулық сақтау жүйесіндегі сервис-менеджмент» тақырыбында оқыту семинары ұйымдастырылды. Іс-шараның ұйымдастырушысы – «МТАЖО» АҚ Медициналық қызметкерлердің құзыреттерін дамыту орталығы (МҚҚДО).
Семинарға бөлім меңгерушілері, дәрігерлер, жедел жәрдем қызметкерлері, орта және кіші медициналық персонал, әкімшілік қызметкерлер және басқа мамандар қатысты.
Бағдарламаның спикері ретінде AlmaU Жоғары бизнес мектебінің бизнес-тренері, MBA, AlmaU PhD бағдарламасының докторанты, сертификатталған бизнес-тренер (Бизнес ПРОФИ, Мәскеу) Самал Мамашаева семинарды жүргізді. Бизнес-оқыту мен басқарушылық консалтинг саласындағы көпжылдық тәжірибеге ие сарапшы қатысушылардың назарын мынадай өзекті мәселелерге аударды: медицина ұйымдарында сервис мәдениетін қалай қалыптастыру керек, пациенттермен және ұжыммен тиімді коммуникацияны қалай құруға болады және неге сервис – сыртқы рәсімдер емес, жүйелі көзқарас пен құрмет екенін түсіну маңызды.
«Біз көбінесе сервисті қосымша дүние ретінде қабылдаймыз, — дейді спикер. — Бірақ дәл осы сервис адамның медициналық көмекке деген көзқарасын қалыптастырады. Бұл — қарым-қатынастағы әуез, процестердің ашықтығы, пациенттің уақыты мен эмоционалдық жай-күйіне құрмет. Демек, бұл — әрбір команда мүшесінің жауапкершілігі болып табылады».
Семинар бағдарламасына нақты тәжірибелік кейстерді талдау, топтық тапсырмалар және денсаулық сақтау қызметкерлері жиі кездесетін жағдайларды бірлесе талқылау кірді. Ерекше назар – қызметкерлер арасындағы ішкі өзара әрекеттестікке аударылды: тіркеушіден бастап бөлім меңгерушісіне дейінгі қарым-қатынастар. Қатысушылар кері байланыс құралдарын, шағымдарды талдау әдістерін, пациенттердің сервис бағыттары бойынша іс-әрекеттер принциптерін және команданың эмоционалды ахуалының маңыздылығын қарастырды.
Ұйымдастырушылардың айтуынша, семинар тек теориялық білім беруді ғана емес, сонымен қатар күнделікті тәжірибеде қажет болатын тұрақты қабілеттерді қалыптастыруды көздеді. Қатысушылар семинар тақырыбының өзектілігін және практикалық құндылығын атап өтіп, мұндай бағдарламалардың қазіргі медицина жүйесінде аса маңызды екенін ерекше айтты.
«МТАЖО» АҚ МҚҚДО денсаулық сақтау саласының мамандарына арналған оқыту іс-шараларын жүйелі түрде ұйымдастырады. Бағдарламалар стресске төзімділік, жанжалдарды басқару және басқарушылық құзыреттерді дамыту сияқты кең бағыттарды қамтиды. Оқыту курстарын сертификатталған тренерлер, кәсіби коучтар, клиникалық психологтар мен тәжірибелі басқарушылар жүргізеді.
