Дәуенов Ернұр Нұрланұлы
«Медициналық технологиялар және ақпараттық жүйелер орталығы» АҚ президенті
Ернұр Нұрланұлы 2009 жылы С. Торайғыров атындағы Павлодар мемлекеттік университетінде бакалавр дәрежесін, ал 2011 жылы магистр дәрежесін алды. 2015 жылы А. Марғұлан атындағы Павлодар педагогикалық университетінде PhD докторы дәрежесін қорғады.
Еңбек жолын 2008 жылы Ы. Алтынсарин атындағы дарынды балаларға арналған Облыстық қазақ гимназия-интернатында тарих пәні мұғалімі ретінде бастады.
2012 жылдың қаңтар айынан 2012 жылдың тамызына дейін Астана қаласындағы дарынды балаларға арналған "Зерде" мектебінде ғылыми-әдістемелік жұмыстар жөніндегі директордың орынбасары қызметін атқарды.
20.08.2012–09.09.2013 жж. – Павлодар облысы, Павлодар қаласындағы Аймақтық ғылыми-тәжірибелік «Ертіс дарыны» орталығында зертхана меңгерушісі қызметін атқарды.
2013-2014 жылдары – Павлодар облысы білім беру басқармасының тәрбие жұмысы және қосымша білім беру бөлімінің бас маманы.
2014-2015 жылдары – Шарбақты ауданы білім беру бөлімі басшысының орынбасары.
2015-2016 жылдары – Баянауыл ауданы білім беру бөлімінің басшысы.
2016-2017 жылдары – Павлодар облысы білім беру басқармасы басшысының орынбасары.
2017-2019 жылдары – Павлодар облысының ішкі саясат басқармасының басшысы.
2019 жылдан бастап Павлодар облысының мәдениет, тілдерді дамыту және архив ісі басқармасын басқарды.
2020 жылдың тамызынан 2022 жылдың қазанына дейін Қазақстан Республикасы Білім және ғылым министрлігінің Мектепке дейінгі және орта білім комитеті төрағасының орынбасары қызметін атқарды.
2022 жылдың қараша айынан 2025 жылдың сәуір айына дейін Қазақстан Республикасы Оқу-ағарту министрлігінің Білім саласында сапаны қамтамасыз ету комитетінің төрағасы қызметін атқарды.
