ҚР Президенті Іс басқармасының Медициналық орталығына қарасты Ұлттық госпитальде «Дау-жанжалды басқару, жанжалсыз өзара әрекет етудің құралдары» тақырыбында семинар өтті.
Семинарда сертификатталған тренер және эмоциялық интеллектіні дамыту тьюторы (Йель университетінің тұжырымдамасы), МВА, Erickson International кәсіби коучы, эмоциялық интеллектіні диагностикалаудың сарапшы-талдаушысы, кинетикалық талдаушы Эльмира Жанатқызы Абайділдинова дәріс оқыды.
Семинарға қатысушылар:
- Медициналық ортадағы дау-жанжалдың негізгі себептерін қарастырды
- Конструктивті диалог және жанжалсыз әрекет етудің техникаларын меңгерді
- Қиын жағдайларда эмоциялық қысымды төмендетуді үйренді
- Күйзелісті басқаруға және шаршап-шалдығудың алдын алуға арналған құралдармен танысты
Эльмира Жанатқызы медициналық мекемелермен жұмыс істеудегі бай тәжірибесін бөлісіп, емхана мен оңалту орталықтарына арналған онлайн курстар мен тренингтерді әзірлеу туралы әңгімеледі.
Семинарда қатысушылар soft skills дағдыларын дамытып қана қоймай, оларға жоғары қысым жағдайында тиімді жұмыс істеуге көмектесетін практикалық құралдарды да меңгерді.
