Жақында ғана кадр қызметтері бұйрықтармен, жеке істермен және есептермен ғана байланыстырылатын. Бүгінде бұл модель өткеннің еншісінде қалып барады. Қазақстан Республикасы Президентінің Іс басқармасы (ПІБ) жүйесіне қарасты ұйымдарда басымдық адамдарды дамытуға, олардың әлеуеті мен жұмысқа деген қызығушылығын арттыруға бағытталуда. Бұл бағытта ауқымды HR-трансформация жүзеге асырылып жатыр, ал оның негізгі қозғаушы күші — «Медициналық технологиялар және ақпараттық жүйелер орталығы» АҚ-ның HR-орталығы болып табылады.
2024 жылдан бастап барлық ПІБ қарасты ұйымдарда заманауи HR-құралдар кезең-кезеңімен енгізіліп, жаңа басқарушылық жүйесі қалыптасуда — мұнда адам есеп бірлігі емес, басты ресурс ретінде қарастырылады.
«МТАЖО» АҚ HR-орталығының басшысы Қамарова Айнұр Ерғалиқызы атап өткендей: «Біз кадр қызметін тек әкімшілік бөлігі ретінде қарастырудан бас тартып келеміз. Бүгінде HR — бұл стратегия, даму және нәтиже болып табылады. Біз енгізіп жатқан барлық өзгерістер дәл осы мақсаттарға бағытталған».
ПІБ қарасты ұйымдардағы HR-трансформация — бұл бір реттік реформа емес, жүйелі жұмыс. Оның басты назарында бірыңғай құзыреттер моделін қалыптастыру, жұмыскерлерді бағалау жүйесін енгізу, қызметкерлердің адалдығын талдау және корпоративтік мәдениетті зерттеу тұр. Шын мәнінде, бұл тек жұмыс істеп қана қоймай, дамуға қабілетті «тірі жүйені» қалыптастыру.
«Қызметкерді бағалау ғана емес, оның әлеуетін түсіну және өсуіне қажетті құралдар беру маңызды. Біз дамуды қалыпты құбылысқа айналдыратын орта құрып жатырмыз», — дейді Камарова Айнур Ерғалиевна.
Сонымен қатар әлеуметтік-психологиялық диагностика, қызметкерлердің жұмысқа деген қызығушылықтарын зерттеу, корпоративтік мәдениетпен жұмыс сияқты тиімді құралдар да енгізілуде.
Трансформацияның негізгі идеясы — басты назарда адами капиталдың болуы. Қазіргі заман талаптары сәйкес ұйымның тұрақтылығы мен тиімділігін дәл осы қызметкерлер айқындайды. Сондықтан HR-орталық бағалаумен ғана шектелмей, дамытуға да басымдық береді: бірыңғай кадрлық резерв қалыптастырылады, жеке даму жоспарлары жасалады, оқытуға деген көзқарас қайта қарастырылады.
«Біз қызметкерлердің жүйе ішінде өз болашағын көргенін қалаймыз. Олар үшін мұнда өсуге, дамуға және өзін жүзеге асыруға мүмкіндік бар екенін түсінуі маңызды», — деп атап өтті Айнур Ерғалиевна.
Тағы бір маңызды бағыт — нәтижелілікті басқару жүйесін (KPI) енгізу. Бұл формалды бақылаудан әр қызметкердің үлесін түсінікті әрі ашық бағалауға көшуге мүмкіндік береді. Сонымен қатар жұмыс беруші бренді қалыптастырылып жатыр — бұл талантты мамандарды тартудағы маңызды фактор.
«Бүгінде маманды жай ғана жұмысқа алу жеткіліксіз. Оның ұйыммен бірге қалып, дамуына жағдай жасау маңызды», — дейді Камарова Айнур Ерғалиевна.
Трансформация әлі де жалғасып жатқанына қарамастан, оның нәтижелері қазірдің өзінде байқалуда: қызметкерлердің жұмысқа деген қызығушылығы артып, кадрлық әлеует күшейіп, тапсырмаларды орындау сапасы жақсаруда.
«HR-трансформация — ұзақ жол. Бірақ тиімді әрі бәсекеге қабілетті болғымыз келсе, бұл жолдан біз міндетті түрде жүріп өтуіміз керек», — деп қорытындылады Қамарова Айнұр Ерғалиқызы.
Кадрлық өндірістен HR-дамуға көшу — бұл тек терминологияның өзгеруі емес. Бұл — ойлау жүйесінің өзгеруі: есептен — дамуға, бақылаудан — сенімге, процестерден — адамдарға көшу. Дәл осындай өзгерістер бүгінгі таңда кез келген заманауи ұйымның тұрақтылығы мен табысының басты факторы болып отыр.
