Қазақстан Республикасы Президенті Іс басқармасы жүйесінде маңызды оқиға орын алды — "Onboarding UDP" деп аталатын бірегей бейімделу курсының алғашқы легінің қатысушыларына сертификаттар салтанатты түрде табысталды. Бұл рәсім тек мазмұнды оқу кезеңінің қорытындысы ғана емес, сонымен қатар жақында ҚР ПІБ ұжымына қосылған қызметкерлер үшін жаңа кәсіби бастаманың символына айналды.
Аталған курс жаңа қызметкерлерді тиімді бейімдеуді, әріптестермен танысып, кәсіби байланыстар орнатуға мүмкіндік беретін берік нетворкинг негізін қалыптастыруды, сондай-ақ жеке даму бағытын айқындауды мақсат етіп әзірленген. Оқыту барысында қатысушылар ҚР ПІБ-ның құрылымы мен қызметімен танысып қана қоймай, сонымен қатар тұлғалық және кәсіби өсімге жол ашатын құнды бағыт-бағдарлар алды.
«Бұл курс — жай ғана кіріспе нұсқаулық емес. Бұл — команданың рухын сезіну, ұйымның құндылықтарын түсіну және алғашқы күндерден-ақ сапалы нәтижеге ұмтылуға мүмкіндік», — деп атап өтті бағдарламаны ұйымдастырушылар (МТАЖО).
Салтанатты рәсімнің ерекше бөлігі Қазақстан Республикасының Тұңғыш Президенті мұражайына экскурсия болды. Бұл қатысушыларға Қазақстанның тәуелсіз мемлекет ретінде қалыптасуының тарихи тамырларына терең бойлауға, елдің саяси және экономикалық дамуының негізгі кезеңдерінен өтуге мүмкіндік берді. Мұражай экспозициялары мемлекеттік қызметтің орнықты даму мен қоғамдық игілік құралы ретіндегі маңызын айқындады.
Курс қатысушылары алған әсерлерімен шын жүректен бөлісіп, оқыту форматының мазмұнды әрі шабыттандырарлық болғанын атап өтті. Көпшілігі әріптестерімен тікелей қарым-қатынастың, сарапшыларға сұрақ қою мүмкіндігінің және алғашқы күндерден-ақ белсенділік танытудың маңыздылығын ерекше атап өтті.
"Onboarding UDP" бағдарламасы өзектілігі мен маңызын дәлелдеді. Бұл курс ҚР ПІБ-ның кадрлық саясатының ажырамас бөлігіне айналып, мемлекеттік маңызы бар міндеттерді тиімді шешуге дайын, ұйымшыл, уәжді және кәсіби команда қалыптастыруға бағытталады.
