2025 жылғы 1 қаңтардан бастап Қазақстанда жаңа «Мемлекеттік сатып алулар туралы» Заң және оларды жүргізудің жаңартылған Ережелері күшіне енеді. Бұл өзгерістер жеткізушілер мен тапсырыс берушілердің мемлекеттік сатып алуларға қатысу тәртібіне айтарлық әсер етеді. Жаңа өзгерістер туралы МТАЖО орталығындағы Мемлекеттік сатып алулар туралы біздің курсымызда толыққанды білуге болады.
Өзгерістер кімдерге қатысты?
* Тауар, жұмыс және қызметтердің (ТЖҚ) сатып алуды жүзеге асыратын мемлекеттік органдар мен ұйымдар.
* Тендерлер мен баға ұсыныстарының сұрауларына қатысатын жеткізушілер.
Өзгерістердің «Самұрық-Қазына» және оның еншілес ұйымдары сынды квазимемлекеттік сектор субъектілеріне қатысы жоқ. Олар бөлек ережелермен жұмыс істейді.
Сатып алулар ережелеріндегі негізгі өзгерістер
1️⃣ Сатып алудан бас тарту
Енді тапсырыс беруші сатып алудан тек қорытынды шыққанға дейін бас тарта алады. Егер қорытынды шықса, ол жеңімпазбен шарт жасасуға міндетті.
2️⃣ Шарттарды қамтамасыз ету
* Шартты қамтамасыз ету өлшемі сатып алу сомасының 3%-ынан 5%-ына дейін ұлғайтылды.
* БҰС кезіндегі өтінімдерді қамтамасыз ету —енді 1% орнына 3%.
3️⃣ Антидемпинг
* Рұқсат етілетін бағадан 10%-дан төмен ұсыныс демпинг болып саналады.
* Жеткізуші бұл көрсеткіштен төмен баға ұсына алады, бірақ бұл ретте қосымша қамсыздандыру қаражатын ұсынуы керек.
Мысал:
Егер бюджет — 1 млн теңге, ал жеткізуші бағасы — 850 мың теңге болса, ол қосымша 50 мың теңге енгізуі тиіс.Егер ұсынылған баға — 100 мың теңге болса, онда қосымша 800 мың теңге салу қажет.
Жеткізушілер тәуекелдері:
* Қамсыздандыру қаражатын енгізбесеңіз — 24 айға «қара тізімге» енесіз.
* Сондай-ақ, өтінімнің қамсыздандыру қаражаты алынады (3%).
