ҚР ПІБ Медициналық технологиялар және ақпараттық жүйелер орталығында (МТАЖО) өте маңызды тренинг ұйымдастырылды. Оған ПІБ ведомстволық бағынысты ұйымдардың қызметкерлері қатысты.
Тренер – International Academy of Emotional Intelligence директоры, Erickson International кәсіби коучы Әсел Мұратова.
Тренингке қатысушылар коммуникацияның түрлі техникаларын талдап, нағыз коуч қандай болуы керек деген сұраққа жауап іздеді.
Мәселен, коуч өз аудиториясы немесе қарамағындағы адамдарға қатысты қандай позиция ұстануы керек екені айқындалды.
«Коуч позициясы – бұл бір жағынан адамды қабылдайтын, екінші жағынан адамға баға бермейтін позиция. Яғни, бұл ретте сіз адамды оның бүкіл ішкі байлығын сақтайтын біртұтас қойма секілді зерттеуіңіз керек», – деп түсіндірді Әсел Мұратова.
Дау-жанжалды шешу үшін тренинг қатысушылары «Мен үндеумін» және «Сен үндеусің» техникаларының айырмасын зерттеді. Бұл техникалар өзіңнің позицияңды түсініктірек жеткізуге көмектеседі.
Сондай-ақ, қатысушылар өз қарамағындағы адамдарды қалай дұрыс ынталандыру жолдарымен танысты.
