ПІБ жүйесінде HR-қоғамдастықты дамытуға барынша күш салынады.
Мысалы, бүгін «МТАЖО» АҚ Оқу орталығы ҚР ПІБ «Ұйымдастыру-бақылау және кадр жұмысы» бөлімімен бірлесіп «Персоналды басқару жүйесі: іріктеу, біліктілікті бағалау және KPI» тақырыбында шеберлік сағатын өткізді.
Іс-шараға ведомстволық қарасты ұйымдардағы кадрлық қызмет басшылары мен HR-менеджерлер қатысты.
Ал шеберлік сағатын өткізуге білікті де тәжірибелі тренерлер шақырылған болатын.
Дәріскер ретінде 9 жылдан астам тәжірибесі бар, HR professional сертификатына ие бизнес-тренер, әрі Erickson Int кәсіби коучы Әсел Мұратова және HR саласында 12 жыл қызмет еткен тәжірибелі рекрутер және персоналды іріктеу мен бейімдеу бойынша сертификатқа ие тренер Анар Кенжебаева шақырылды.
Шеберлік сағаты интерактивті форматта өтті.
